بیر تورکی گوزل شعر

نیگارا سن ، سن اولسایدین منه غم همدم اولمازدی

کتاب عشقه باخسیدین منه لطفون کم اولمازدی

اطبالر مریض اوسته گرکده مهربان اولسون

مریض عشقینم جانا ولی چوخ پیسدی رفتارون

گلرسن بیر گون ایسترسن خبر مندن

دییرلر دای قاییت چیخ گئت یوباندون اولدو بیمارون

سیگار شعری تورک دیلینده

سیگاری یولداشلاریمیزا تقدیم ائدیرم

گــــور نئجه محو ائـــدیریک سیگارینان جا نیمیزی

قــــاتیــریق هـر دودونان جسمیده کی قانیمیزی
گـــئدیـــرک کــافّـه لـــره صحــبـته اعـیـانی آچیپ
دئـیـیـریــک کــافّه چـیـیـه وئر بیزه قلیانیمیزی
سینه یه توسکودولوب عطسه یه هیچ یوخدوماجال
دئییریک چــای ایچیریخ دولدورون قندانیمیزی
او زامـــانـیکی یـئـتـیـردی اوبــایـا نـازلی قوناق
ســیگــاری بخـشـشـینن خوش دئدیک مهمانیمیزی
اجنبی سیگاری هر مدلا چیخاتدی بیز اوچون
بیـز چئکیب چوخلو سئویندیردیخ او شیطانیمیزی
جـــان بیزیم پــولدا بیزیم خانه خراباتی بیزیم
بــو صـفــائـیـلـه اونــا ائـیـلـدیــک احـسـانیمیزی
سیگارا بوسه ووروب پوزلومودوچئکدیق اوزه
بـــو مــُدیـلــه اوشاقــا سـویـلـدیـک فرمانیمیزی
یوسفین داش قلمی یازدی عجب باشقا سوزی
بـلــکه بــیـر آن آزادا پـیـس یـولا قــوربانیمیزی

دانلود آلبوم گوزللرین گوزلی رحیم شهریاری دان gözəllərin gözəli Rəhim şəhriyarı mp3

gözəllərin gözəli Rəhim şəhriyarı-dan

 Güney Azərbaycan xanəndəsi

دانلود آلبوم گوزللرین گوزلی رحیم شهریاری دان

 

 

 

1 - bax bax باخ باخ

 

2 -  toy mahnısı توی ماهنیسی

 

3 -  gözəllərin gözəli گوزللرین گوزلی

 

4 -  qurbanın olum قوربانین اولوم

 

5 - harda qalmısan هاردا قالمیسان

 

6 -  bəsdi بسدی

 

7 -  tərkib ترکیب

 

8 -  sənsizləmişəm سنسیزله میشم

 

9 -  bu gecə بو گئجه

 

10 - Ana həsrəti آنا حسرتی

 

11 - olmaz olmaz olmaz اولماز اولماز اولماز

 

چهارشنبه سوری ( تورکی شعر ) کریمی مراغه ای دن

بو گوزل شعری اوخوماساز الیزدن گئتدی مندن دئماق

چهارشنبه سوری کریمی مراغه ای دن

قیش چیخدی گزیر کوچه نی بو تازه جوانلار

یوخ یوخ نه جاوان درس تمدن اوخویانلار

چون مدرسه قورتولدی چیخوب ائیله تماشا

چارراه خیاباندا دوشوب گؤر نئجه غوغا

قیزلار کی چیخور مدرسه دن خیلی دل آرا

نازیله گئدیر منزله گویا که مارالدی

بیردن گوروسن آتدیلار بمب رنگی سارالدی

بو بوینی یوغون قانمور اوشاقدور چوخی قورخار

یا حملی وار آرواددی جانیم زحمتی آرتار

یا تریکی دور نعشه قاچار معرکه فالخار

ظاهرده موحصلدی اوزی اهل کمالدی

لیکن کافی تشبیهدی لاب او مالدی که مالدی

چارشنبه سوریده اولوبدور بئله مرسوم

بو رسملری واجب ائدوبدور ننه کلثوم

تصدیق ایلیوب چوخلارینی زینب پاشا مرحوم

بیر ساعت اوتور دقتیله ائیله تماشا

بیر بیر او یازان رسملری ائیلیوم انشاء

اولسون شب چارشنبه گرکدور هامی دلشاد

چیخسونلار داما قیز گلین اوغلان کیشی آرواد

هر دامدا گرگ اود یانا اولموش بئله ایجاد

قیزلار اونون اوستوندن او ساعتده آتیلسون

اما آتیلاندا دییه جاق بختیم آچیلسون

دامدان ائیله کی اندیلر قورتولدی تماشا

بیر مجمعه خوش شب چره ائیلر مهیا

خورما یمش ایگده سوجوق و فخری و حلوا

بیر عیده خانیم قلبیده بیر نیت ایده رلر

گیزلینجه قولاق آسماقا جدیت ایده رلر

شال ساللاماقا بعضی ایدر شوقیله رغبت

باغلاللار انون شالینه هر شیدن اوساعت

خوش یمن اولار گر دولما پیشیرسه شاما آرواد

شامدان صورا بیر آز بادام اویناللا یاتاللار

آرواد کیشی هر تک تکی مقصوده چاتاللار

.
.

کریمی مراغه ای دن گوزل بیر شعر ( قوجالدون )

سنده قوجالدون
ای دادیله بیداد گوزل سنده قوجالدون
سالدی سنیده دست قضا بنده قوجالدون
حسنونده اولان رنگ ولطافت هارا گیتدی
عشاق لارا اولدون بئله شرمنده قوجالدون
بیر گونکی دییردیم مارالیم گل بیزه هر دم
ایندی دیورم گلمه بو دربنده قوجالدون
آتمیشدون او گون گولشنی بیر روضه ء رضوان
ایندی سنه یئر یوخدی گلشنده قوجالدون
عشاق دوشردی دالیوا دسته به دسته
حتی قوشولاردیم اولارا منده قوجالدون
سندن گوتورولدی او صفای ملکوتی
اولدون داخی ابلیسه نماینده قوجالدون
باخجاق یوزیوه گول کیمی قلبیم آچیلوردی
ایندی سنی گورجک قاچورام کنده قوجالدون
ضرب المثل آتمیشدی سنون حسنوی یاران
قویموش سنی ایندی هامی ریشخنده قوجالدون
بیر زلف که بنزردی لطافتده قباقندا
اولدون نیه بس بویله سرافکنده قوجالدون
بیر نخل ثمر بخشیدی بو قامت شمشاد
ایندی داخی لاییق دگی پیونده قوجالدون
سانسور
سانسور
بیرعده گزردی سنیله سایه بسایه
قاچدی هاموسی اولدی پراکنده قوجالدون
هر چند کریمی قوجالار شعری قوجالماز
بنزر هاموسی شکره گلقنده قوجالدون

کریمی مراغه ای دن گوزل بیر شعر